Si mund ti sherbejme familjareve tane te prekur nga Covid-19 te vetekarantinuar ne shtepi? – Inf. Fabiola Musaraj
Ditet e sotme kemi te bejme me nje virus, objektivi i te cilit jane rruget respiratore. Informacioni i disponueshem mbi epidemiologjine e “Covid-19” informon se transmetimi ndodh kryesisht nepermjet sekrecioneve te frymemarrjes si sperklave gjate kollitjes, teshtitjes ose duarve apo siperfaqeve te tjera te kontaminuara. Duke qene se niveli i transmetimit eshte i larte, bota gjendet ne shkallet e nje pandemie. Gjendemi ne nje lufte te ftohte biologjike, e cila ka prekur ne mase individe dhe familje.
Disa prej pacienteve, ne metafore le te themi “te perzgjedhur” nga Covid-19 jane hospitalizuar dhe marrin sherbimet e nevojshme mjekesore, ndersa pjesa tjeter eshte vetekarantinuar ne shtepi. Kujdesi dhe vemendja ne kete artikull ndalet tek te vetekarantinuarit qe jetojne me pjestare te tjere te familjes ne te njejtin apartament apo shtepi. Si mund ti sherbejme familjareve tane te prekur nga Covid-19?
- Se pari e rendesishme eshte qe personi i infektuar te vetekarantinohet ne nje dhome apo ambjent i cili nuk duhet te jete i prekshem nga anetaret e tjere te familjes. Le ta quajme kete “Dhoma e izolimit”. Reduktimi i takimeve deri ne minimumin absolut me personat e tjere. Ne te kundert ruajtja e distances 1-2 m.
- Personi i infektuar duhet te jete gjithmone i pajisur me maske mbrojtese. Ne pamundesi te nje maske FFP2, edhe nje maske e thjeshte kirurgjikale do te bente pune. Pjestaret e tjere te familjes gjithashtu.
- Kollitjet ose teshtimat gjithmone te behen ne pjesen e perparme te parakrahut duke shmangur kontaminimin e duarve.
- Higjena e duarve duhet te jete primare dhe e realizueshme per te dyja palet qe jetojne ne shtepi (te shendetshem-te infektuar) me uje te bollshem dhe sapun, para dhe pas pregatitjeve te ushqimit, shtrimit te tryezes, perdorimit te tualetit, etj. Secili prej paleve duhet te perdore peshqir te vecante. Nese duart nuk jane te ndotura here pas here keshillohet desinfektimi i tyre.
- Zevendesimi i eneve te kuzhines me ato njeperdorimshme. Ne pamundesi, alternative mbetet larja dhe desinfektimi i menjehershem i tyre ne makinen larese (lavastoviglie), ose larja me uje te rrjedhshem te ngrohte dhe detergjent nen sigurine e dorezave mbrojtese.
- Kujdes: Transportimi duhet te behet gjithmone nepermjet nje mbajtese (kontenier, qese) e cila duhet te jete e mbyllur.
- Tekstilet (carcafe, veshje, etj) ti nenshtrohen gjithashtu procesit te desinfektimit me detergjente dhe uje te nxehte, te pakten 60˚. Te mos neglizhohet procesi i hekurosjes.
- Pastrimi te pakten nje here ne dite i siperfaqeve te mobiljeve, si tavolina, kompjuter, komodina, dorezat e dyerve, etj. me desinfektuesin e pershtatshem i cili duhet te kete perqindje alkooli.
- Ajrosja e shpeshte e “Dhomes se izolimit”, dhe ambjenteve te tjera te shtepise.
Pacientet te cilet vleresohen nga mjeket per tu vetekarantinuar ne shtepi, jane paciente te shendetshem te cilet predispozohet te mos japin komplikacione. Gjithsesi ata duhet te jene nen observimin e familjareve. Ne momentin e pare qe mund te mos ndihen mire apo shfaqin perkeqesim te simptomave tashme karakteristike te Covid-19, keshillohet te telefonohet mjeku infeksionist.