Trakeostomia në pacientët COVID-19 – Dr. Andi Abeshi
Trakeostomia është një procedurë kirurgjikale, e përkohshme ose e përhershme, e cila konsiston në krijimin e një vrime në qafë që vë në komunikim trakenë me ambientin e jashtëm nëpërmjet një tubi i cili quhet kanulë trakeostomike. Kjo e fundit vendoset në trake dhe lejon ventilimin e mushkërive, në mënyrë spontane ose nëpërmjet një respiratori, duke anashkaluar rrugët e sipërme të frymarrjes: gojën, hundën dhe fytin.
Eshtë një procedurë rrallë herë urgjente dhe indikacionet për kyerjen e saj jane: sëmundje që kanë nevojë për ventilim të zgjatur mekanik, kirurgji onkologjike të distrektit kokë-qafë dhe në kushet e problemeve obstruktive të frymarrjes, akute ose kronike.
Rreth 5% e pacientëve me COVID-19 mund të paraqesin kushte të tilla klinike që kërkojnë shtrimin në spital në kujdes intensiv dhe ventilim të zgjatur mekanik. Trakeostomia e përkohëshme, vecanërisht nëse bëhet brënda 7 ditëve nga intubimi, mund të ofrojë përfitime themelore në menaxhimin e ketyre pacienteve. Ndër përfitimet kryesore është transferimi i një pjese të pacienteve në gjendje relativisht të mire, por që ende kanë nevojë për asistencë ventilatore, në reparte semintensive ose reparte normale, duke rezervuar në këtë mënyre vendet e terapisë intensive për pacientët më të rëndë. Trakeostomia është një alternative e vlefshme për asistimin e pacientëve qe kanë nevojë për ventilim me flukse të larta oksigjeni ose në pacientët në të cilët intubimi është i vështire.
Pacientët e trakeostomizuar kanë më pak nevojë për përdorimin e qetësuesve në krahasim me pacientët e intubuar, kjo do të thotë që janë koshientë dhe mund të komunikojnë me stafin mjekësor (pavarsisht se nuk mund të flasin për deri sa do jenë të trakeostomizuar, për shkak se ajri nuk kalon nëpërmjet kordave vokale). Kjo procedurë e ben më të thjeshtë ventilimin mekanik për anestezistin dhe menaxhimin ne tërësi të pacientit për personelin infermieristik.
Vendimi për heqjen e kanulës trakeostomike dhe mbylljen e vrimës të trakesë duhet të merret vetëm pas verifikimit që pacienti është në gjendje ti rikthehet frymëmarrjes natyrale dhe kur rezulton negativ ndaj tamponit per SARS-cov-2.
Bibliografia
http://www.salute.gov.it/imgs/C_17_pagineAree_5373_4_file.pdf
https://apps.who.int/iris/bitstream/handle/10665/331498/WHO-2019-nCoV-IPCPPE_use-2020.2-eng.pdf
https://www.entuk.org/sites/default/files/files/COVID%20tracheostomy%20guidance_compressed.pdf
https://www.entcanada.org/wp-content/uploads/COVID-19-Guidelines-CSOHNS-Task-Force-Mar-23- 2020.pdf
Xu K, Lai XQ, LiuZ. Suggestions for prevention of 2019 novel coronavirus infection in otolaryngology head and neck surgery medical staff. Zhonghua Er Bi Yan Hou Tou Jing Wai Ke Za Zhi. 2020 Feb 2;55(0):E001. doi: 10.3760/cma.j.issn.1673-0860.2020.0001.
Cheung JC1, Ho LT2, Cheng JV2, Cham EYK2, Lam KN2. Staff safety during emergency airway management for COVID-19 in Hong Kong. Lancet Respir Med. 2020 Feb 24. pii: S2213-2600(20)30084-9. doi: 10.1016/S2213-2600(20)30084-9.
Dr. Andi Abeshi